લોટ ખોવાયા વગર જોબ વર્કનો હિસાબ

જોબ વર્ક એ ધંધાનો એવો ભાગ છે જે તમારી પોતાની ચાર દીવાલોની બહાર ચાલે છે. કાપડ કારીગરને ત્યાં જાય છે, ત્યાં એના પર કંઈક કામ થાય છે, અને એમાંથી થોડું પાછું આવે છે. વચ્ચેના આખા ગાળામાં લખાણ એટલું જ હોય છે — ડાયરીમાં એક લીટી અને WhatsApp પર એક ફોટો.

પાંચ લોટ સુધી આ ચાલી જાય. પચાસ થાય એટલે કામના તો બે જ સવાલ રહે છે — કોની પાસે શું બાકી પડ્યું છે, અને એમાંથી કેટલું પાછું આવ્યું — અને ફોન કર્યા વગર એના જવાબ કોઈની પાસે હોતા નથી.

લોટ ભાગ્યે જ ખરેખર ગુમ થાય છે. ગુમ તો એનો હિસાબ થાય છે — અને નુકસાન એટલું જ થાય છે:

• કાપડ કારીગરને આપી દીધું પણ ચોપડે ચડ્યું જ નહીં, કારણ કે એ દુકાન બંધ કરવાના ટાણે આવ્યો હતો.
• થોડો માલ પાછો આવ્યો હોય એને આખો ગણી લેવાય, તો ચોપડામાં ચૂપચાપ કંઈ બાકી બચે જ નહીં.
• ઘટ કેટલી પડી એની માથાકૂટ મહિનાઓ પછી ઊભી થાય, કારણ કે જે દિવસે એ પડી એ જ દિવસનો બંનેને કબૂલ હોય એવો આંકડો હોતો જ નથી.
• એક જ પાર્ટીના બે લોટ ભેગા થઈ જાય, અને પછી એકેય લોટ બંધ થઈ શકે નહીં.
• સુધારા માટે માલ ફરી બહાર જાય, પણ એ બે વાર બહાર ગયો એની ક્યાંય નોંધ ન થાય.

લોટનો હિસાબ ત્યારે જ સચવાય જ્યારે આ ચાર વસ્તુ બને એ જ ઘડીએ લખાય, મહિનાના અંતે નહીં:

1. શું બહાર ગયું — કેટલો માલ, કઈ ક્વોલિટી, અને કયા કારીગરને, જે દિવસે ગયો એ જ દિવસે.
2. કામ શું છે — કયો પ્રોસેસ, નક્કી થયેલો ભાવ, અને માલ ક્યાં સુધીમાં પાછો આવવો જોઈએ.
3. શું પાછું આવ્યું અને ક્યારે — થોડું આવ્યું હોય તો એટલું જ, આખું નહીં.
4. ઘટ કેટલી પડી કે માલ કેટલો રિજેક્ટ નીકળ્યો — એ જ દિવસે બંને જણ નક્કી કરીને લખી લે, પછી માથાકૂટ નહીં.

આ ચાર વસ્તુ ચોપડે હોય પછી કયા કારીગર પાસે કેટલું બાકી છે એ સાદો સરવાળો બની જાય છે, અને કોઈએ કશું યાદ રાખવું પડતું નથી.

કારીગરો સાથેની મોટા ભાગની માથાકૂટ દાનતની હોતી નથી. બંને જણ પાસે આંકડા જુદા હોય છે, કારણ કે બંનેએ પોતપોતાની રીતે લખ્યા હોય છે.

બંનેના પૈસા એક જ લખેલા હિસાબ પરથી બને, પછી માથાકૂટ શું આવ્યું ને શું ન આવ્યું એની રહેતી નથી, ભાવની રહે છે — અને ભાવની વાત તો સોદો છે, ઝઘડો નહીં.

• પૈસા યાદ પરથી નહીં, પાછો આવેલો માલ ચોપડે જેટલો ચડ્યો હોય એટલા પરથી ગણાય.
• ઉપાડ અને કપાત પણ જે કારીગરના નામે કામ ગયું છે એના જ ખાતે બેસે.
• કારીગર હિસાબ માગે ત્યારે નવેસરથી બેસાડવો ન પડે — તૈયાર હોય એ સીધો મોકલી શકાય.

જોબ વર્ક એ અલગ એપ નથી, એ જ સોફ્ટવેરનું એક મોડ્યુલ છે. લોટ બહાર કાઢો એટલે સ્ટોક ઓછો થાય, પાછો આવે એટલે તૈયાર માલ ચડે, અને કારીગરની બાકી જાતે અપડેટ થાય — કારણ કે બાકીનો આખો ધંધો જે હિસાબ પર ચાલે છે, જોબ વર્ક પણ એ જ હિસાબ પર ચાલે છે.

પ્લાનમાં શું શું આવે છે એ જુઓ

ડેમોમાં તમારા એક અઠવાડિયાના સાચા લોટ લઈને આવો — જેમાં થોડો માલ પાછો આવ્યો હોય એવા ગૂંચવાયેલા લોટ પણ સાથે લેતા આવજો. તમારા પોતાના આંકડા પર કાઢેલી 20 મિનિટ કોઈ પણ ફીચર-લિસ્ટ કરતાં વધારે કહી જશે.

ડેમો બુક કરો